Verður Solla að fá að vera AÐAL áður en hún hættir?

Það er að koma betur og betur í ljós að völd, vegtyllur og peningar ráða för hjá ráðamönnum þessarar þjóðar ekkert síður en auðmönnunum. Þetta er líka ástæðan fyrir því að engin alvöru rannsókn á afglöpum mun fara fram þegar á reynir. Þetta fólk tengist of illilega.

Það kemur fram að ákörðunum hefur verið slegið á frest vegna veikinda Sollu og það getur heil þjóð ekki sætt sig við. Við sættum okkur enn síður að veikindi Sollu nú þýði að hún eigi í einhverju ímynduðu virðingarskyni að fá að vera forsætisráðherra í einhverjar vikur áður en hún hættir í pólitík. Það er einsýnt að svo verður því miður.

Vegtyllan er sýnilega aðalatriðið, fólkið og þjóðarhagur aukaatriðið.

Vilja taka að sér verkstjórnina

Athugasemdir

[Óskar Þorkelsson, 26.1.2009 kl. 08:52]

Þegar ég heyrði þetta með forsætisráðherrastólinn í morgunn þá hélt ég að þetta væri djók.. sko fyrir það fyrsta þá er þessi krafa svo stór að þetta er í raun ósk til sjálfstektarinnar að slíta stjórnarsamstarfinu.  Sjálfstektin getur ekki undir nokkrum kringumstæðum gefið þennan stól frá sér án þess að missa andlitið og virðinguna um leið.. sem sagt niðurlægður.  Þótt sjálfstektin sé á hnjánum bókstaflega, þá eru þeir ekki búnir á því og kunna meira fyrir sér í svínslegum pólitískum lúabrögðum en samfó.. ég er ansi hræddur um að ef þetta er satt þá muni Samfó fá skell frá sjálfstektinni í dag.. skellur sem ekki er séð fyrir.

[Ævar Rafn Kjartansson, 26.1.2009 kl. 11:28]

Þetta er aum krafa svo ekki verði meira sagt. En sjáum hvernig dagurinn þróast.

[Ásthildur Cesil Þórðardóttir, 26.1.2009 kl. 14:57]

Já dagurinn hefur þróast í þá átt að stjórnin er fallinn, svo er spurning um hvað tekur við.

[Ingvar Valgeirsson, 26.1.2009 kl. 15:12]

Mér sýnist nokkuð ljóst að Samfó hefur sett þessa kröfu fram til að slíta samstarfinu. Asnalegt að gera það hreint og beint.