Á hvað getum við selt Ísland?

Það verður erfitt verk fyrir okkur sem viljum áfram sjálfstætt Ísland að verja það.

Það er deginum ljósara þegar stjórnmálaflokkur sem sérstaklega var stofnaður til þess, árið 1929 og ég studdi lengst af, telur það í lagi að gæla við sjálfstæðisafsal. Raunar tel ég það einkennandi fyrir þann lurðuhátt sem einkennir núverandi forsætisráðherra sem aðgerðar- og sinnulaus og spilltur hefur fylgst með sínum meðreiðarsveinum og einkavinum maka krókinn í ógeðslegustu spillingu síðustu ára. Nafnið Sjálfstæðisflokkurinn stefnir með þessu í að verða hlægilegt öfugmæli og lítilsvirðing við þá sem unnu að þessum markmiðum.

ESB aðild mun ekki færa þessari þjóð neina hamingju. Hún mun í mesta lagi færa okkur það að þurfa að hefja aftur sjálfstæðisbaráttu sem tók ekki nema 682 ár síðast að vinna!

ESB er ekki ríkjasamband frjálsra ríkja. Það er stöðugt í breytingum og þróun í átt að því að verða bandaríki Evrópu þar sem úrsögn yrði bara svarað með borgarastríði. Það er líka komið á daginn að ESB tekur ekki NEI sem gott og gilt svar. Svo skal haldið áfram að kjósa aftur og aftur þar til sambandið fær rétt svar. Þetta er margreynt í allri Evrópu. ESB notar óhikað alla fjármuni og meðöl sem þarf til að fá sínu fram. Þess vegna verður vörn sjálfstæðis Íslands mjög erfið.

ESB er eineltisklúbbur 27 ríkja sem ekki hafa það að markmiði að bæta heiminn, bara Evrópu. Þeir loka á frjáls viðskipti við þriðja heiminn og sjá til þess að halda þeim áfram í fátækt. Íslendingar eiga að sýna öllum heiminum vinsemd í því að bæta líf allra íbúa hans með því að taka þátt í störfum SÞ og nota þann vettvang til framfara á jörðinni. ESB getur aldrei orðið annað en leiðinlegt lokað og óþarfa millistig í þeirri viðleitni. Hér á að vera meiri framsýni.

Þegar öllu verðu á botninn hvolft verður kosið um áframhaldandi sjálfstæði annars vegar og hins vegar um það fyrir hversu hátt verð Ísland er falt kommissörum í Brussel.

Umsókn í þjóðaratkvæði?

Athugasemdir

[Óskar Þorkelsson, 31.12.2008 kl. 11:48]

Ég ætla ekki að elta ólar við þennan pistil þinn því þú veist og ég veit að við erum alls ekki sammála í þessum málaflokki. en ég vil aðeins kommentere á þetta hérna hjá þér 

ESB er eineltisklúbbur 27 ríkja sem ekki hafa það að markmiði að bæta heiminn, bara Evrópu. Þeir loka á frjáls viðskipti við þriðja heiminn og sjá til þess að halda þeim áfram í fátækt.  

Ekki veit ég til þess að aðrar þjóðir td USA ásamt Canada og Mexico hagi sér neitt örðuvísi.. og þurfti ekkert ESB til þar.. Asíu lönd með kína í fararbroddi notfæra sér ástandið í Afríku sér til framdráttar og til þess að tryggja sér ódýr hráefni .. ekkert ESB þar.

Hitt er rétt að ESB er einmitt stofnað til að sjá um hagsmuni EVRÓPU  en ekki asíu eða afríku eða suður ameríku...  svo þessi rök þín halda varla vatni er það ?

[Gísli Ingvarsson, 31.12.2008 kl. 12:09]

Þetta er nú ekki að blogga um frétt heldur tilraun til að senda frá sér áróður....en gott og vel.

[Haukur Nikulásson, 31.12.2008 kl. 12:13]

Óskar, mín rök halda vel vatni. Það að önnur ríki séu með svipuð bandalög og hegðun í ætt við ESB fellir ekki mín rök. Það bara meira af því sama sem við eigum ekki að styðja.

Þú hlýtur að skilja það sjónarmið að vilja bæta allan heiminn og efla, en ekki bara Evrópu í sinni einangruðu mynd. Við erum t.d. betur tengdir til Bandaríkjanna en flestra landa Evrópu, hvers vegna að taka þátt í blokkamyndun þegar öll dýrin í skóginum geta verið vinir?

[Haukur Nikulásson, 31.12.2008 kl. 12:14]

Gísli, það er rétt hjá þér. Ég er stanslaust með áróður fyrir því sem ég trúi á og tel ekki af veita. Málið er þó vel tengt umræðunni og á því erindi ofan í alla þá sem hér tala fyrir sjálfstæðisafsali.

[Óskar Þorkelsson, 31.12.2008 kl. 12:15]

Ég get alveg tekið undir það að bæta heiminn Haukur en félagasamtök eru mun betur til þess fallin en hagsmunasamtök á borð við ESB.. Ég td er í litlu verkefni austur í thailandi þar sem ég vil láta gott af mér leiða og bæta heiminn um leið..

[Haukur Nikulásson, 31.12.2008 kl. 13:34]

Óskar, eins og oft áður erum við ósammála um ESB, það er hvorugum okkar neitt nýtt.

Ég óska þér gleðilegs árs og vonast eftir áframhaldandi rökræðum á nýju ári.