Geðstirður fýlupúki opinberaður

Það þarf ekki að segja mér neitt um að Páll Magnússon sé að atast í Pétri Matthíassyni sín vegna. Hann er skikkaður eins og hver annar rakki Geirs og Þorgerðar í þessu máli.

Þjóðin má alveg vita að Geir sé geðstirður fýlupúki þegar á reynir. Hann má líta á það sem jákvæða kynningu því hingað til höfum við alltaf litið á hann sem geðlausa lurðu í bandi Davíðs Oddssonar.

Páll Magnússon opinberar þá þrælslund sem embættismenn hafa gagnvart ráðherrum. Það þarf ekki frekari vitnanna við að RÚV er ekkert annað en fjölmiðlabatterí íhaldsins og alveg undir þeirra stjórn. Það er löngu tímabært að almenningur losni við að þurfa borga fyrir þetta áróðusbatterí ríkisstjórnarinnar sem er þrátt fyrir allt rúin öllu trausti.

Pétur Matthíasson ætti í stráksskap sínum að láta Pál standa við lögfræðingshótanir, Það er ágætt að leyfa stjórnvöldum að sína sitt rétta andlit um það hverjir bera raunverulega ábyrgð. Núna er það fréttamaðurinn sem breytti geðlausri lurðu í einu vetfangi í geðstirðan fýlupúka.

Krafa um að viðtali við Geir verði skilað

Athugasemdir

[Kristófer K. (IP-tala skráð) 25.11.2008 kl. 11:56]

Allavega hefur þetta augljóslega ekkert með það að gera að G. Pétur tók þessa spólu í leyfisleysi og á þar með að skila þeim samkvæmt reglum þeim sem hann, sem starfsmaður RÚV, á að lúta.... Alls ekki, það væri alltof langsótt.

[Haukur Nikulásson, 25.11.2008 kl. 12:06]

Kristófer, ég geri ráð fyrir að Pétur hafi hirt afrit af þessu frekar en að stela spólu.

Auðvitað er siðlaust af Pétri að birta þetta og hálf barnalegt. Það er hins vegar minni háttar yfirsjón miðað við það algera dómgreindarleysi sem Geir hefur sýnt undanfarnar vikur og ábyrgð hans á ótímabæru hruni íslensku bankanna. 

[Heidi Strand, 25.11.2008 kl. 12:09]

Alveg sammála þér Haukur.

Mér finnst alvarlegara að okkur hafa verið rænd.

[Kristófer K. (IP-tala skráð) 25.11.2008 kl. 13:03]

Óánægja okkar í garð Geirs má ekki hafa áhrif á siðferði okkar og hún réttlætir ekki að brjóta á rétti forsætisráðherra sem viðmælanda.

Auðvitað eigum við að gagnrýna ráðamenn okkar ef við teljum þörf á, en það á að sjálfsögðu að vera á málefnalegum grundvelli.

[Axel (IP-tala skráð) 25.11.2008 kl. 23:57]

Að mínu mati var þetta bara einkaþræta milli Geirs og Péturs og á ekkert erindi til almennings. Við vitum það að Geir getur verið dáldill fýlupúki en maðurinn er líka forsætisráðherra og á aðeins að sjá um að taka faglegar ákvarðanir fyrir þjóðina, þannig að ég sé ekki hvernig skapgerð mannsins geti komið okkur við. Það væri annað ef þetta væri forsetinn sem hefur það hlutverk að presentera þjóðina.

Svo er ég líka sammála ykkur um það auðvitað átti maðurinn ekki að stela þessu.

[Sigríður Jósefsdóttir, 26.11.2008 kl. 00:10]

Allavega hafa aðgerðir Páls haft það eitt í för með sér, að fleiri en ella eru búnir að skoða myndbandið í þaula. 

[Ingvar Valgeirsson, 26.11.2008 kl. 10:21]

Mér fannst eiginlega G. Pétur koma verr út úr þessu en Geir - virkar sem vælandi og frekur eymingi.

Svo finnst mér hálf asnalegt að grafa upp hálfs annars árs gamalt fýluviðtal við Geir á vægast sagt vafasaman hátt. Meiri skömm fyrir G. Pétur en Geir, enda virðist Pétur halda að mannasiðir séu fyrir alla aðra en fréttamenn.

[Haukur Nikulásson, 26.11.2008 kl. 13:06]

Mér finnst skína í gegn að Geir er ofmetinn sem persóna. Það hafa margir í stjórnmálum "leikið" hlutverk flottra stjórnmálamanna í gegnum tíðina og verið síðan afhjúpaðir sem algjörar smásálir þegar á reynir.

Geir er ítrekað staðinn að ósannsögli og eigin hvítþvotti. Hann þorir ekki að segja þjóðinni satt vegna ótta um að hann sé að eyðileggja eitthvað. Þjóðin lifði samt í lyginni nógu lengi til að ekki megi skúra þá vitleysu burt núna. Það er í lagi að upplýsa fólk að það geti tekið þjóðina 10 ár að komast upp úr efnahagsruglinu. Svo kyrfilega keyrðum við á rassgatið undir stjórn Sjálfstæðisflokksins.

Ofan á þetta hefur Geir komið frúnni á jötuna með ítrekuðum spilltum nefndarveitingum sem heiðarlegri maður hefði gefið öðrum færi á að starfa við. Það er ekkert göfugt við mann sem tekur allt sem býðst, hann er líka sekur um auragræðgi ofan á valdafíkn sína. Samt er hann bara strengjabrúða Davíðs hvað sem hver segir.