Hætti öll Snow Removal deildin?

Eitthvað virðist augljóst að vallarstarfsmenn hafi verið óviðbúnir fyrstu hálku á vellinum og ég velti því fyrir mér hvort starfsmenn Snow Removal deildarinnar hjá Slökkviliðinu hafi allir verið reknir? Er hægt að kenna reynslu- og fyrirhyggjuleysi hér um? Eða voru þetta mistök flugmannsins?

Það læðist að mér að hér sé um enn eitt klúðrið að ræða í tengslum við viðtöku á varnarsvæðinu og flugvellinum.

Óbeint tengt þessu eru fréttir af seinagangi við að rannsaka eignaumsýslu utanríkisráðuneytisins og þá sérstaklega Valgerðar Sverrisdóttur á fasteignum sem frostsprungu fyrir réttu ári. Á þeim tíma taldi ég að um hátt í eins milljarðs tjón hefði orðið þarna en það mál hefur bara verið þaggað niður.

Reyndar finnst mér með ólikíndum að aðalsökudólgurinn í því máli, fyrrverandi utanríkisráðherra, rífur nú bara kjaft um seinagang í meðferð málsins. Henni liggur greinilega mjög á að fá áfellisdóminn, hún bar nefnilega sjálf langmestu ábyrgð á því klúðri öllu sem ráðherra. 

Farþegaflugvél rann út af flugbraut á Keflavíkurflugvelli

Athugasemdir

[Guðmundur Zebitz (IP-tala skráð) 28.10.2007 kl. 10:43]

"Snow Removal" deildin var ekki rekin... Hún fór bara heim til USA með öllum hinum.

[Haukur Nikulásson, 28.10.2007 kl. 10:47]

Gummi, ég þoli svo illa stríðni

[Kjartan Pétur Sigurðsson, 28.10.2007 kl. 10:53]

Gott dæmi um hvað stjórnmálamönnum er vel treystandi í svona málum. Það gæti verið ráð að stytta aðeins sumarfríin hjá þeim svo að þeir geti verið aðeins meira inni í þeim málum sem þeim er ætlað að sjá um. Það er ekki eins og að það sé ekki smá afgangur af rekstri þessara flugvallar til að koma í veg fyrir svona slys.

[Guðmundur Zebitz (IP-tala skráð) 28.10.2007 kl. 10:56]

 ég skal lána þér vasaklút... eða vantar þig faðmlag?  Annars fer að verða kominn tími á kaffibolla, þarf að kíkja til þín við tækifæri.

[Haukur Nikulásson, 28.10.2007 kl. 11:01]

Alltaf gaman að sjá þig Zebbi, kaffið verður tilbúið!

[Hreiðar Eiríksson (IP-tala skráð) 28.10.2007 kl. 11:19]

Það kann einhverjum að finnast það langsótt að kenna Valgerði Sverrisdóttur um þetta.  Eins kann einhverjum að þykja það einkennilegt að agnúast út í hana þótt hún finni að því að utanríkisráðuneytið, sem hún nota bene hefur ekki stýrt frá því í maí sl. skuli ekki afhenda Ríkisendurskoðun gögn vegna rannsóknar sem hún sjálf fór fram á.  Ég tel reyndar að fæstir stjórnmálamenn hefðu haft frumkvæði að slíkri rannsókn á eigin embættisfærslum.  En hvað um það.  Nú tíðkast þau breiðu spjótin og Samfylkingin og Sjálfstæðisflokkurinn hafa aðeins komið tvennu í verk.  1) Að leggja fram frumvarp um að áfengi sé selt í matvöruverslunum og 2) að reka skipulega úr embættum og störfum á vegum ríkisins alla þá sem tengjast eða hafa tengst Framsóknarflokknum.   Hér virðast vera á ferðinni einhverskonar "hreinsanir" að hætti fyrrum ráðstjórnarríkja.   En auðvitað er allt Framsókn að kenna, hvað sem öðru líður.   Það er m.a.s. reynt að kenna einum Framsóknarmanni, BIH, um klofninginn, úlfúðina og spillinguna í borgarstjórnarflokki Sjálfstæðisflokksins. 

Eins gott að Framsóknarflokkurinn er til.  Annars væri ekki hægt að kenna neinum um það sem miður fer og aðrir flokkar yrðu bara að axla ábyrg af verkum sínum sjálfir

[Óskar Þorkelsson, 28.10.2007 kl. 12:02]

Ég var nú einu sinni farþegi í vél frá Oslo sem rann út í móa.. þá sá kaninn um þetta skilst mér, var að mig minnir desember 1999..  vei ! ég hef lent í flugslysi sem sagt.

[Haukur Nikulásson, 28.10.2007 kl. 13:07]

Takk fyrir upplýsingarnar Andri. Auðvitað heitir þetta núna snjóruðningsdeild. "Snow removal" er frá þeim tíma er ég vann þarna.

Heiðar, ég er ekki í sérstakri herferð gegn Framsóknarflokknum, bara að benda á þetta tiltekna klúður Valgerðar. Hún fékk margar viðvaranir um að pípulagnir gætu frostsprungið en gerði ekkert í þessu vegna þess að hún ætlaði að spara kostnað við heitt vatn í ónotuðum húsum. Það var engin virðing borin fyrir þeim eignum sá þá voru komnar í hennar umsjá og forræði. Klúður upp á milljarð króna er ekki eins og framleiðslumaður sem misst hefur nokkra diska...