Engin ánægja fylgir því að vera ríkur í landi fátæklinga

Ég hélt satt að segja að það væru bara hinir atvinnulausu og illa settu sem væru að íhuga flótta af landi brott.

Það er eiginlega fokið í flest skjól þegar aðili sem er eiginlega gulltryggður til æviloka skuli vera kominn í sama hópinn af allt öðrum ástæðum.

Líklega er bara ekkert gaman að vera einn örfárra sem ekki getur kvartað undan vondri stöðu. Slíkir menn eru eiginlega orðnir utanveltu og tæpast viðræðuhæfir meðal venjulegs (fátæks) fólks.

Latibær að vaxa upp úr Íslandi

Bráðsnjallir auðmennirnir kæfa dómskerfið með smáskítlegum meiðyrðamálum

Auðvitað er þetta hárrétt taktík.

Núna eru auðmennirnir að stefna Stöð 2 og Bylgjunni og guð-má-vita-hverjum fyrir alls kyns meiðyrði og almenn ónot. Þeir vita sem er að það er hægt að halda öllu dómskerfinu á haus við að fjalla um smáskítsmálin því að á sama tíma er ekki hægt að taka fyrir milljarðaþjófnaði, skjalafals, skattalagabrot, blekkingar og alls kyns svik.

Bráðsnjallt að drekkja bara dómskerfinu með örfáum lögfræðingum því þá er ekkert hægt a snerta við þeim á meðan.

Einfalt að rannsaka hvernig þetta er tilkomið

Mér sýnist að það sé tiltölulega einfallt fyrir skattstjóra að yfirheyra þá sem gefa upp miklu meiri sparnað í lok árs 2008 en 2007 og hreinlega láta þá gera grein fyrir þeim tekjum.

Í sumum tilvikum er örugglega um að ræða að einhverjum hafi tekist að losna við hlutabréf fyrir hrun og þá er það auðskýrð aukning á sparifé.

Ég tel að margir aðrir muni eiga í vandræðum að skýra mál sín fyrir skattyfirvöldum.

Ekki má gleyma því að með handónýtu neyðarlögunum voru sparifjáreigendur varðir upp í topp, sumir hverjir upp á tugi milljóna umfram gildandi lög um innistæðutryggingar. Til þess að svo megi verða þarf að rukka hins vegar alla skuldara upp í topp. Það er tímabært að fólk geri sér grein fyrir samhengi svona peningamála.

Framtaldar bankainnistæður tvöfölduðust

Á örugglega eftir að grínast með þetta sjálfur - Góðan bata!

Jóhannes er einn þeirra sem manni finnst fjarri því að vera á síðasta söludegi. Ekki fer á milli mála að hann er með allra skemmtilegustu mönnum og okkur veitir ekki af því að halda þeim á þessum síðustu og verstu tímum.

Ég held að ég mæli fyrir munn margra að óska honum góðs bata!

Snarbrattur með nýja hjartað

Best að fara að pakka niður!

Nú er komin alvara í mann að fara af landi brott. Það finnst ekki nokkur í stjórnkerfinu sem ætlar að verja hagsmuni almennings í þessu landi. Hagsmunir breta, hollendinga, AGS, ESB og jafnvel allra annarra virðast alltaf ganga fyrir.

Hvað í andskotanum gátum við eiginlega kosið yfir okkur!?

Forsetinn staðfestir Icesave-lög

Viðurkennið að almenningur og ríkið borga EKKI skuldaleiðréttingar

Ein af helstu röksemdum þess að leiðrétta ekki skuldastöðu heimila og fyrirtækja hefur hingað til verið sú að við það sé ríkið og almenningur að borga fyrir "óráðsíufólk" sem tók of mikil lán. Þetta er rangt. Megnið af því sem fólk skuldar var fengið að láni erlendis frá heildsölubönkum. Megnið af því fé hefur verið afskrifað með kennitöluflakki gömlu bankanna. Ríkið stal með neyðarlögunum öllum skuldakröfum á innlenda skuldara í þeim tilgangi að vernda spaifjáreigendur langt umfram allar heimildir í fyrri lögum.

Einnig hefur því verið haldið fram að með því að leiðrétta stöðu skuldara sé verið að mismuna þeim á kostnað þeirra sem "ekki tóku þátt" í lánasukkinu. Það er ekki rétt. Þeir sem ekki tóku lán eru einfaldlega svo lánsamir að hafa ekki verið sviknir af forsendubresti og efnahagsfölsunum. Þeir borga ekkert frekar en aðrir fyrir "skuldapésana". Þeir mega prísa sig sæla að vera ekki í sömu stöðu. Þeirra staða versnar hins vegar til muna ef stór hluti þjóðarinnar verður settur á hausinn. Þau þurfa þeir fyrst að fara að borga fyrir alvöru vegna stóraukins vanda í velferðarkerfinu.

Þá hefur verið nefnt að ef farið verði í flatar leiðréttingar að þá muni auðmenn og aðrir fjársóðar njóta þess líka. Það er hárrétt. Við verðum að gæta jafnræðis og þess vegna verða allir að eiga sama rétt í sambandi við skuldaleiðréttingar. Auðmönnum og öðrum fjársóðum verður hins vegar ekkert bjargað þó þeir fái hlutfallslegar leiðréttingar. Það á fyrir löngu að vera búið að loka þá inni fyrir stórfelld brot á hlutafjárlögum, bankalögum og skattalögum. Frelsi þeirra í dag er með öllu óskiljanlegt.

Það er engin leið að sannfæra þjóðina um að hún eigi að borga þjófnað annarra (Icesave) og eigi auk þess í framhaldinu að horfa á eftir eignum sínum í hendur þeirra sem eru ábyrgir fyrir hruninu!

Ríkið er, óverðskuldað, að verða helsti eigandi íbúðarhúsa og í skjóli þess er ennþá sú hugsun að það eigi að handvelja þá sem bjarga á og þá sem á að láta fara á hausinn.

Ég tel að hinn almenni skuldari eigi nákvæmlega sama hlutfallslega rétt á skuldaniðurfellingu og Mogginn fékk á sínum tíma. Þar var talað um 3 milljarða. Hér er nefnilega fordæmisgefandi sérmeðferð.

Það er krafa almennings að fyllsta jafnræðis verði gætt og að stjórnvöld grípi til almennra, sanngjarnra, réttlátra og gegnsærra skuldaleiðréttinga og hætti að ljúga því blákalt að þeir séu að borga eitthvað þegar í versta falli er um að ræða að skila örlitlum hluta þýfis til baka. 

Ekkert hefur verið útilokað

Hrein heimska að samþykkja ríkisábyrgð á Icesave

Ég er bálreiður!

Ég skil ekki hvernig meirihluti þingmanna getur fengið í höfuðið þá undarlegu réttlætishugsun að íslenskur almenningur eigi að borga og/eða ábyrgjast innlán sem einkabanki tók við í Bretlandi eða Hollandi.

Í framhaldi af gjörspilltri einkavinavæðingu Davíðs og Halldórs á rikisbökunum og helstu ríkisfyrirækjunum virðast vinstri hálfvitarnir, sem þykjast ætla "iðka björgunarstörf" á íslensku efnahagslífi, líta svo á að það sé skylda þjóðarinnar að gera þessi fjársvik upp!

Er ekki allt í lagi með þessa hálfvita á þinginu? -  Hverra hagsmuna gætið þið eiginlega?

Ég er  B Á L R E I Ð U R !

P.s. Ef þið eruð sammála þessu farið þá á www.kjosa.is og segið álit ykkar þar!

Icesave losi lánastíflu

ÓLAFUR RAGNAR: Ég krefst þjóðaratkvæðagreiðslu um þetta mál!

Nú eru Steingrímur og Jóhanna búin að tryggja okkur gamlingjunum (50+) ömurlega fátækt, líklega til ÆVILOKA!

Það er líklega best að fara týna ofan í ferðatöskur og fara að hypja sig.

Frá þessum ömurlegu ríkisábyrgðarlögum er bara eitt sem getur forðað okkur frá þessu og það er forsetinn. Því miður eru nánast engar líkur á öðru en að hann staðfesti þessi lög. Þetta er jú hans ríkisstjórn.

Hann má samt vita að nú er risa stór gjá milli þings og þjóðar og þess vegna rétt að leggja þetta undir þjóðaratkvæði.

Það eru ekki gild rök að þjóðin viti ekkert um þetta mál og að tíminn sé of naumur.

Icesave-frumvarp samþykkt

Lántökuæðið er eins og eiturlyfjafíkn

Texti þessarar fréttar er eins og lýsing á fíkli. Lánafíkli. Svo virðist sem Steingrímur titri af eftirvæntingu um að komast í nýtt lánsfé eins og það sé nýtt og gott fix!

Það er öllu til fórnað til að friðþægja útlendinga vegna innlána sem þjóðin á ekki að bera ábyrgð á þótt það hafi verið ábyrgð innistæðutryggingasjóðs sem er á vegum bankanna. Tæmist hann er það bara töff shitt eins og önnur áhætta sem fólk býr við í þessum heimi.

Það að samþykkja Icesave ábyrgðina og fá nýjar grilljónir að láni frá AGS, norðulöndum, rússum, pólverjum og færeyingum er bara ávísun að fresta vandanum á næstu kynslóðir. Það er ekki sanngjarnt gagnvart þeim.

Það þarf að rjúfa vítahringinn og það er líka erfitt, ekkert ósvipað því að hætta á eiturlyfjum. Þar hefur virkað best "cold turkey" þ.e. að hætta strax og hefja nýtt líf.

Mál fari á fulla ferð hjá AGS

Er Framsóknarflokkurinn einn að verja hagsmuni íslendinga?

Ég hef aldrei kosið Framsóknarflokkinn. Ég tel að Halldór Ásgrímsson sé ásamt Davíð Oddssyni upphafið að mestu efnahagsógæfu íslendinga fyrr og síðar. Þeir handvöldu einkavini til að gefa þeim bankana og ríkisfyrirtækin og það er helsta orsök hins séríslenska efnahagshruns. Þetta á eftir að staðfestast ef nokkurt einasta vit er í rannsóknarnefndum og sérstökum saksóknurum.

Ég sendi Framsóknarflokknum tillögur fyrir síðustu kosningar um að leiðrétta þyrfti skuldir heimila og fyrirtækja og þeir gerðu þetta að kosningamáli mér til mikillar ánægju. Auðvitað voru fleiri búnir að ræða þetta mál. Samt kaus ég þá ekki, taldi Sigmund Davíð tengjast of mikið auðmönnum. Síðan hefur álit mitt breyst og formaður Framsóknarflokksins vaxið hjá mér í áliti.

Mér finnst hálf aulalegt að horfa upp á það að Framsóknarflokkurinn stendur einn að því að hafa skynsemi til að neita því að borga Icesave. Sem eru jú innlán sem einkafyrirtæki tók við í útlöndum og kemur íslenskum almenningi bara hreint ekkert við. 

Eins og staðan er núna er Framsóknarflokkurinn því einn að standa í alvöru vörð um hagsmuni íslendinga. Sagan mun kenna okkur að það var hvorki Sjálfstæðisflokkurinn né Framsóknarflokkurinn sem kom hruninu af stað heldur Davíð og Halldór í eigin persónum. Án þeirra hefði aldrei farið svona illa.

Nýr meirihluti tók völdin

Þingmenn: Ýtið á látúnshnappinn NEI !

Nú er komið að örlagastundu. Uppsöfnuð forheimskun Uppsafnaður dómgreindarbrestur meirihluta þingmanna virðist ætla að taka völdin og steypa okkur í óbærilegan og óverðskuldaðan skuldaklafa til næstu áratuga.

Hugrekki þingmanna og sjálfstæði virðist ekkert vera.

Samt.... ég skora á þá sem hafa sjálfstæðan vilja að greiða atkvæði gegn þessari ríkisábyrgð og krefjast nýrra samninga. Hnappurinn er merktur NEI

Lokaumræða um Icesave hafin

Er fjölskyldan og Samfylkingin að "kóa" með Sigmundi Erni?

Sigmundur er orðinn ber að því að ljúga. Það er öllum ljóst núna. Hann sagðist fyrst ekki hafa drukkið en játaði það síðan þegar vitni sögðust hafa séð hann "hvolfa" í sig í kvöldverðinum eftir golfið hjá MP banka.

Hann sagðist ekki hafa fundið til áfengisáhrifa og þá er komin spurningin: Keyrði hann ekki bara sjálfur drukkinn niður á þing? Úr því að hann laug því blákalt að hafa ekki drukkið, má þá ekki reikna með að hann hafi líka logið því spontant að strákurinn hafi "skutlað" sér? Hann þurfti jú að svara þessari spurningu hratt og örugglega þegar á hann var gengið.

Skoðum þetta nánar. Var strákurinn með honum í för í Grafarholti? Eða kom hann labbandi heiman frá sér í Hveraföld sem er líklega 40 mínútna gangur? Keyrði einhver strákinn upp í Grafarholt svo hann gæti keyrt föður sinn sem ekki fann fyrir áfengisáhrifum? Geta öryggismyndavélar sýnt fram á það með hvaða hætti Sigmundur kom til þings þetta kvöld? Getur verið að hann sé að neyða fjölskylduna sína til að kóa með sér eins og hið blinda, heyrnarlausa og óþefvísa meðreiðarfólk sitt á þinginu?

Það er orðið fátt trúverðugt hjá Sigmundi Erni Rúnarssyni um þessa ævintýralegu kvöldstund á Ölþ... Alþingi. Þó að það sé eiginlega hálf ljótt að veitast að honum með þessum hætti þá lýkur því ekki fyrr en sannleikurinn er allur kominn fram. Þess vegna er best klára það strax. Allra vegna.

Við erum nokkur sem krefjumst þess að menn sem eru að setja óbærilegan skuldaklafa Icesave á okkur almúgann drullist til að gera það edrú.

Fékk sér léttvín með mat

Hvaða þingmenn ætla að hafa vit á að forða sér frá ruslatunnu sögunnar?

Ég er hræddur um að sagan fari ekki mildum höndum um þá þingmenn sem eru að láta sér detta í hug að samþykkja ríkisábyrgð vegna innlána í einkabanka sem íslenska ríkið tók ekki.

Það verða nægiilega margir sagnfræðingar til að setja þá í ruslatunnu sögunnar sem nú þegar er byrjuð að kjamsa á Davíð Oddssyni og Halldóri Ásgrímssyni sem deildu út bönkum og rikisfyrirtækjum til einkavina sinna.

Hafið Davíð og Halldór sett hrunið í gang þá virðist meirihluti þingmanna ætla að blessa það til næstu áratuga með því að ábyrgjast vitleysuna fyrir hönd okkar allra.

Ég skora á þá að hugsa sjálfstætt í þessu máli áður en það verður of seint.

Funda um Icesave

Það verður aldrei sátt um að við borgum Icesave

Það er alveg sama hversu langt þeir ganga í gerð fyrirvara. Það verður ekkert mark tekið á þeim og sú grundvallarastaða liggur fyrir að Ísland er að viðurkenna ábyrgð á starfsemi einkabanka. Það svarar enginn þeirri spurningu hvort að ríkið sé að setja fordæmi um að bera ábyrgð einhvera almenna ábyrgð á einkafyrirtækjum ef þau eru með starfsemi erlendis.

Innistæðutryggingasjóður er ábyrgur um það er ekki deilt. Deilan snýr hinsvegar að því hvort að ríkið eigi að vera baktrygging ef hann reynist tómur og ég segi nei, þetta mál kemur íslensku þjóðinni og ríkinu ekkert við þrátt fyrir að einhverjir ráðamenn hérlendis hafi lofað meiru en þeir höfðu umboð til. Ef þetta umboð stæðist væri ekki verið að þrefa um þetta mál á þinginu.

Það að samþykkja Icesave nú verður langvarandi þjóðarböl, íslendinga. Ég skora á þingmenn að hugleiða þessi mál út fyrir skammtíma flokkslínur og valdabrölt.

Nálgast endalokin í umræðum um Icesave

Halda áfram að handvelja spillingarvini með þessu móti

Það er jákvætt að ráðherrann sé að éta það ofan í sig að ætla ekki að leiðrétta skuldir fyrirtækja og heimila. Hann vill hins vegar fá að velja úr hverjir njóti slíkra forréttinda.

Það að sama réttlætið gangi ekki yfir alla í sambandi við skuldamál er óverjandi með öllu. Skiptir hér engu máli hvort menn hafi tekið lítil eða stór lán. Sami forsendubrestur er á flestum þessara lána.

Einu lánin sem ég vil undanskilja eru græðgislánin þ.e. kúlulánin og önnur ámóta til hlutabréfakaupa og til annars fjármálalegs sóðaskapar.

Ég skil ekki hvernig hægt er að kenna sig við jafnaðarmennsku með þennan hugsunarhátt. Það eru breyttir tímir og það er gallhörð krafa samfélagsins að þau háu laun og fyrirgreiðslupólitík sem hefur verið í gangi undanfarin ár víki með öllu.

Ráðherra vill afskrifa skuldir