Georg Lárusson skjólstæðingur Björns Bjarnasonar er ekki í lagi

Það er ljóst að eitthvað hefur hér bilað hjá Georg Lárussyni. Enginn getur þó spáð í það hvort hér sé um langvarandi bilun að ræða eða til skemmri tíma.

Það blasir við í gegnum oftast fágaða framkomu hans við fjölmiðla að það er stuttur spottinn í þessum manni og glittir gjarnan í hrokann.

Það er hreinlega vont að æðstu menn ríkisstofnana séu haldnir ofangreindum ókostum. Allra vegna!


mbl.is Flýgur ekki glaður með Kastljósfólk
Tilkynna um óviðeigandi tengingu við frétt

Hefur sóttvarnarlæknir kannað orðróm um "markaðssetningu" svínaflensulyfja?

Mér sýnist að í gangi sé umræða um það hvort lyfjafyrirtækin hafa markaðssett svínaflensuna í þeim beina tilgangi að selja fánýt mótefni gegn flensunni sem hafi þá þegar verið tilbúin árið 2007? Flensan nú sé ekki hótinu hættulegri en þær sem komi hingað á hverju ári.

Miðað við að búið sé að selja til Íslands mótefni fyrir 370.000.000 króna mætti sjálfsagt gera einhverja "létta" athugun á slíku máli áður en greitt er fyrir þennan "pakka".

Kannski er bara um samsæriskenningu að ræða sem ekki er fótur fyrir, hvað veit maður? Önnur eins svik hafa átt sér stað.


mbl.is Ekki vitað um alvarleg flensutilfelli hér
Tilkynna um óviðeigandi tengingu við frétt

Ljóta ógeðið þegar ríkið gengur svona til samninga við sjálft sig með þýfi!

Mér finnst með ólíkindum að talað sé um samninga þegar um er að ræða það hvernig ríkið gengur um þýfið út úr neyðarlögunum. Skilanefndin er að undirlagi ríkisins í hlutverki fórnarlambsins en er samt að sjálfsögðu skipuð af þeim.

Er ég einn um það að finnast allir þessir gjörningar ríkisins í frágangi á stolnu gjaldþrota bönkunum á einhvern hátt svo algerlega glataðir og geggjaðir í vitleysisgang sínum?

Þetta mun aldrei meika nokkurn sens eins og það er stundum er orðað á götumáli.


mbl.is Heldur 5% hlut í Íslandsbanka
Tilkynna um óviðeigandi tengingu við frétt

Er Hrafn Gunnlaugsson "bótanískur rasisti"?

Ég skil ekkert í garðyrkjudeildinni að amast við því þó að Hrafn Gunnlaugsson vilji hvannvæða allt Laugarnesið. Hann er jú eiginlega réttmætur eigandi þess eftir að Davíð vinur hans gaf honum leyfi til að haga sér þar eins og hann vildi.

Kannski er hann bara kominn með þvaglátssvandamál sem hvönninn getur leyst fyrir hann? Það er jú verið að framleiða lyf úr hvönninni sem hefur góð áhrif á svona blöðruvandamál. 

Hér skiptir engu þótt hann hafi fundið upp heiti á nýrri tegund mannskepnu og virðist hafa fyrir slysni eða klaufaskap klínt því á sjálfan sig.

Leyfið Hrafni að dunda sér með þetta á nesinu í friði, hann gerir þá ekki annað af sér á meðan!


mbl.is Risahvönn ógnar
Tilkynna um óviðeigandi tengingu við frétt

Þjóðargjaldþrot er staðan sem menn neita að viðurkenna

Smám saman styrkist maður í þeirri trú að Ísland sé gjaldþrota og eigi að haga sér samkvæmt því en ekki stinga hausnum í sandinn og taka bara ný lán í aumkunarverðri tilraun til að viðhalda lífstíl sem við  höfðum aldrei efni en tókum bara að láni.

Þeir sem halda því fram að málin reddist með samþykki Icesave sem og endurgreiðslu hundruða milljarða eru að blekkja sjálfan sig. Við munum aldrei geta endurgreitt "íslenska efnahagsundrið". Því fyrr sem menn gera sér grein fyrir þessu því fyrr getum við snúið okkur að alvöru endurreisn.

Finnist mönnum þessi skoðun mín skrýtinn má hinn sami spyrja sig að því hvers vegna enginn hefur ennþá sætt ábyrgð á því að koma efnahagslífi heillar þjóðar til helvítis.

Það þarf réttsyni og hugrekki til að hefja endurreisn Íslands. Ekki nýja sprautu af lánsfé fyrir lánafíkn þeirra sem nú ráða ferðinni. Þessi þjóð getur alveg þolað í einhver ár að það hægist á sölu nýrra svartra Range Rover jeppa.


mbl.is Skuldar ECB 180 milljarða
Tilkynna um óviðeigandi tengingu við frétt

Og hvenær verður ránsfengurinn þá sóttur?

Maður er hægt og bítandi að komast á þá skoðun gera beri græðgi að lögbroti. Það er aðallega vegna græðgi sem íslenskt samfélag er á hnjánum. Með græðginni fylgja síða lögbrot, svik og alls kyns blekkingar til að komast yfir fjármuni.

Ef yfirvöld telja sig hafa þessar upplýsingar um eignir íslendinga í skattaskjólum af hverju eru þær ekki kyrrsettar? Hvers vegna eru þessir menn ekki handteknir?

Jú, vegna þess að engin raunveruleg endurnýjun hefur átt sér stað í stjórnkerfinu og bönkunum og þess vegna gerist nákvæmlega E K K E R T !

Það eina sem virðist vera morgunljóst er að almenningi er að blæða út á meðan Jóhanna veltir sér upp úr "sínum tíma". Hún hefur fengið mörg tækifæri til að láta að sér kveða og lætur þau öll fara framhjá.

Hræðslan við að taka ákvörðun um að leiðrétta stöðu heimila og fyrirtækja til að fá hlutina í rétt samhengi er búin að rýja síðustu stjórn öllu trausti. Það er grátlegt að næsta verkefni þessarar stjórnar sé að fara að svara 2500 spurninga lista frá ESB. Ég sæi ESB svara ámóta lista!

Hættið þessu andskotans ESB rugli og farið að drullast til að vinna í alvöru málum hér heima!


mbl.is Eignir Íslendinga í skattaskjólum jukust um 40%
Tilkynna um óviðeigandi tengingu við frétt

Hann getur þá brett upp ermar gagnvart alvöru málum

Það eru gleðifréttir þegar opinberir starfsmenn geta tekið á málum með þessum hætti. Það gefur manni von um að hann ætli sér að beita sér í þeim málum sem skipta okkur einhverju og það er að kíkja á glæpi auðmanna gegn þjóðinni.

Mér til leiðinda er ekki hægt að draga helstu sökudólgana til ábyrgðar þ.e. þá sem gáfu einkavinum og flokksgæðingum bankana og ríkisfyrirtækin nokkurn vegin án gjaldtöku. Án þeirra hefðu aldrei verið fundin upp orðin "íslenskir auðmenn" eða "útrásarvíkingar". Hverjir skyldu nú þetta vera?


mbl.is Öllum kærum á hendur blaðamönnum vísað frá
Tilkynna um óviðeigandi tengingu við frétt

Og hverju hefði þjóðstjórn breytt?

Ég held að það sé sama hvar drepið er niður í nýlegri óheillasögu íslenskra efnahagsmála. Það eina sem hefði þurft að breytast til að hið séríslenska hrun hefði ekki átt sér stað er einkavinavæðing bankanna og helstu ríkisfyrirtækja að undirlagi Davíðs og Halldórs. Án þeirra einbeitta vilja til að koma ríkisgóssinu í hendur einkavina hefði líklega ekkert af þessu gerst. Það er upphafspunkturinn að efnahagslegu falli Íslands. Hefði Davíð verið á móti einhverju hefði hann ráðið því eins og mörgu öðru eins og dæmið um stríðsyfirlýsinguna á Írak sannar.

Önnur nöfn í ráðherralista eða önnur flokksnöfn í ríkisstjórn hefðu engu breytt þar um. Ég tel að sagan muni komast að þessari niðurstöðu þegar fram í sækir. 

Stjórn Davíðs vann fyrir einkavinina, stjórn Geirs fyrir sjálfa sig, og stjórn Jóhönnu fyrir ESB, breta og hollendinga. Hvenær skyldi koma stjórn sem vinnur fyrir okkur?


mbl.is Guðni bauð þjóðstjórn ári fyrir fall bankanna
Tilkynna um óviðeigandi tengingu við frétt

Gunnar: Hafðu manndóm til að draga kærur á blaðamenn til baka

Ef Gunnar Andersen ætlar að gera sig gildandi í starfi má hann alveg byrja á því að draga kæru Fjármálaeftirlitsins á hendur blaðamönnum til baka og biðja þá afsökunar.

Eitthvað í þá veru myndi segja manni að hann hefði áhuga á því að vinna að alvöru málum en ekki því að leggja fram kærur á sendiboðana í forgang sem allra fyrsta málið hjá sérstökum saksóknara.

Hvað ætlar hið opinbera að bæta mörgum vitleysum ofan á það sem búið er að gera nú þegar?


mbl.is Mörg dæmi um lögbrot
Tilkynna um óviðeigandi tengingu við frétt

Nafnlaus blogg eru ekki vandamálið

Auðvitað er ljótt að menn verði fyrir aðdróttunum en þetta er slíkur ómerkilegur tittlingaskítur að hann er bara lítill karl að vera velta sér upp úr þessu. Hann er opinber persóna og má því búast við umtali verðskulduðu sem óverðskulduðu. Það er bara hluti þess starfs sem hann valdi. Miðað við frammistöðu hans og embættisfærslu er eiginlega stórundarlegt að hann skuli hafa verið kosinn aftur til þingstarfa. Eiginlega er það bara jafn bilað og kosning Árna Johnsen.

Sjálfur hef ég alla tíð komið fram undir nafni en skil mjög vel þá sem ekki gera það af þeirri einföldu ástæðu menn hafa þurft að þola ofsóknir af hendi þeirra sem ráða för hjá ríkinu vegna skrifa sinna. Eitt besta dæmið um það er fyrsta mál sérstaks saksóknara á hendur Kristini Hrafnssyni og fleirum vegna skrifa um bankana. Það verður að viðurkennast að fyrr hefði átt að draga sökudólgana upp á bekk heldur en sendiboðana. Sjálfur hef ég fengið minn skammt af leiðindum vegna skrifa sem teljast ekkert mjög áberandi en virðast samt vakið suma til sérstakra aðgerða.

Ég fullyrði að bloggarar (nefndir sem nafnlausir) og rannsóknarblaðamenn eru ekki meinsemd þessa lands heldur ónýtir og/eða spilltir stjórnmálamenn og einkavinir þeirra hinir handvöldu auðmenn sem hleypt var óáreittum í hamslausa græðgisvæðingu.

Ef ég ætti að meta hvort það kæmi meiri þvæla út úr nokkrum nafnlausum bloggurum eða því höfðingjaliði sem stjórnað hefur landinu og efnahagslíifnu með augljósum árangri er ég sjálfur ekki í nokkrum vafa um hvar skaðlegasta bullið er að finna.

Það er enginn vafi í mínum huga að nafnlaus blogg sem innihalda bull og einhverja óþverra lygi hverfa yfirleitt fljótt með vindinum. Það verður að ætla sæmilega skynsömu fólki að lesa í það hver sannleikurinn er hvort sem menn koma fram undir nafni eða ekki.

Það getur heldur enginn neitað því að megnið af lygaþvælunni sem við hlustum á frá degi til dags kemur frá nafngreindum einstaklingum.

Ef stjórnvöld hvers tíma vilja væla yfir nafnlausum bloggurum, sem oft velta upp þörfum ábendingum um spillt yfirvöld, þá er það ekki alveg í sama anda að taka á sama tíma við nafnlausum ábendingum um skattsvik og bótasvik. Það er ótæk þversögn í siðgæði.

(Þessi bloggfærsla er eiginlega að stofni til athugasemd mín á bloggi Vilhjálms Þorsteinssonar.)


mbl.is Björgvin G.: „Ný vídd í nafnlausu níði“
Tilkynna um óviðeigandi tengingu við frétt

Úrræði í skuldamálum eru auglýst eins og ófáanlegt léttöl

Í bílnum á leiðinni í bæinn urðum við félagarnir sammála um það að þau úrræði sem stjórnvöld tala fjálglega um að séu til hjálpar skuldugum heimilum og smærri fyrirtækjum séu eins og auglýsingar á léttölstegundum bjórsala sem aldrei fást.

Hvenær skyldi ríkisstjórnin fara að vinna í alvöru að almennum og gegnsæjum úrræðum fyrir þúsundir fjölskyldna og smærri fyrirtækja í stað þess að mala um lausnir sem aldrei fást þegar á reynir?


mbl.is Jón Daníelsson: Bjartsýnni en áður
Tilkynna um óviðeigandi tengingu við frétt

Eru eignaumsýslumenn bankanna hinir nýju fasteignahrægammar?

Maður er farinn að heyra kjaftagang í þá veru að þeir sem sjái um eignaumsýslu fyrir bankana séu nýjustu hrægammarnir á Íslandi, séu jafnvel orðnir erfiðari og stórtækari en lögfræðingastéttin?

Er þetta nýjasta "stéttin" sem þarf að fara fylgjast vandlega með?

Geta einhverjir deilt með okkur upplýsingum í þessa veru?


mbl.is Segir AGS standa sig betur hér
Tilkynna um óviðeigandi tengingu við frétt

Pssst! - Handjárnin líta svona út

Myndbúturinn var sannarlega áhrifaríkur og ég skil að hann hreyfi við fólki.

Sumir verða daprir en ég verð bara reiðari. Reiðari vegna þess að milljarðaþjófnaður viðgengst og almenningur látinn þjást. Það er alveg ljóst að örfáir menn eru sekir um glæpi gegn þjóðinni og ættu að vera fyrir löngu komnir í handjárnin. 

Til að minna yfirvöld á þá líta þau svona út:

 

handjarn_906142.jpg

 


mbl.is Tárfelldi yfir stiklu úr Guð blessi Ísland
Tilkynna um óviðeigandi tengingu við frétt

"Velvild" ESB landa í hruninu er ekki mjög aðlaðandi

Ég fæ alls ekki skilið löngun sumra til að ganga í ESB. Ég skil alls ekki hvernig fólki dettur í hug að fórna tiltölulega nýfengnu sjálfstæði til manna sem eiga þá að stjórna frá Brussel. Ég skil enn síður stjórnmálamenn sem láta kjósa sig með það að sérstöku markmiði sínu að færa sína stjórn í hendur útlendinga. Hvernig getur nokkur manneskja túlkað þetta annað en sem landráð.

Enn og aftur minni ég á að einn aðal landráðamaður Íslands, Eiríkur Bergmann, sem er á fullum launum frá einni af undirstofnunum ESB, sagði beinlínis þetta:"Það er fullveldi að mega afsala sér fullveldi".

Það má vera einhver millivegur á því stærilæti sem hér gekk yfir í gróðæristímanum og þeirri dæmalausu minnimáttarkennd eftir hrunið sem felst í því að við séum svo miklir aumingjar að eiga ekki skilið að vera sjálfráð.


mbl.is Segir aðildarumsókn að ESB vera í uppnámi
Tilkynna um óviðeigandi tengingu við frétt

Eru bankarnir enn að taka stöðu gegn krónunni?

Sumir velta fyrir sér þeirri spurningu hvers vegna gengi krónunnar hækki ekki þrátt fyrir hagstæðan vöruskiptajöfnuð mánuð eftir mánuð?

Sumir velta jafnvel fyrir sér af hverju talað er um að bankarnir séu núna bólgnir af gjaldeyri sem geymdur er á erlendum reikningum en skili sér ekki heim og sé skipt í krónur?

Sumir velta fyrir sér, eftir að útflytjendum hafi verið hótað öllu illu ef þeir ekki skiluðu gjaldeyrinum, að það eina sem hafi tekið við sé að bankarnir sitji á þessu sjálfir núna og séu þess vegna að taka stöðu gegn krónunni?

Hvernig má það vera að veruleg haftastefna í gjaldeyri og hagstæður vöruskiptajöfnuður megni alls ekki að hafa jákvæð áhrif á gengið?

Er það virikilega orðin staðan að ríkið (sem á jú alla bankana) hafi svo litla trú á krónunni að í raun sé búið að afskrifa hana án þess að láta nokkurn kjaft vita af því?

Er ekki kominn tími til að einhver fari að segja sannleikann um gjaldeyrisviðskipti banka og stórfyrirtækja?


« Fyrri síða | Næsta síða »

Höfundur

Haukur Nikulásson
Haukur Nikulásson
Höfundur hefur starfað í tölvugeiranum mestan sinn feril, lengst af í eigin rekstri. Starfar nú sem ráðgjafi og kláraði nýlega frumkvöðlanám í háskólanum Keili.

Hann iðkar íþróttir, tónlist og stjórnmál af talsverðum móð.

Athugið: Ég hendi hiklaust út ómálefnalegum leiðindum og persónulegu skítkasti sem ekki á erindi í umræðuna... að mínu mati!

Pistlarnir hér eru hans eigin skoðanir.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring: 4
  • Sl. viku: 15
  • Frá upphafi: 0

Annað

  • Innlit í dag: 0
  • Innlit sl. viku: 15
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband